Logo
2020 ඔක්තෝම්බර් මස 26 වැනි සඳුදා

ජය­ග්‍ර­හ­ණ­යෙන් විජ­ය­ග්‍ර­හ­ණ­යට “ඔව් - අපි සූදා­නම්”

ගෙවිඳු කුමාරතුංග


ගෝඨා­භය රාජ­පක්ෂ මහතා පසු­ගිය වසරේ නොවැ­ම්බර් 16 වැනිදා ලැබූ අති දැවැන්ත ජන­ව­රම විග්‍රහ කළ වි‍ට ඒ ජය­ග්‍ර­හ­ණ­යට දායක වූ මේ රටේ පුර­වැ­සි­යන්ගේ අපේක්ෂා කෙබඳු ද යන්න අපට දැක බලා­ගත හැකිය. ඒ ජන­ව­රම ලබා දීම තුළ අපේක්ෂා කළ ප්‍රධා­න­තම කාර­ණා­වක් වන්නේ 2015 ජන­වාරි 08 වැනිදා සිට ක්‍රියා­ත්මක වූ විජා­තික න්‍යාය පත්‍රය පිටු­දැ­කී­මයි. 2015 ජන­වාරි 08 වැනිදා බල­යට පත් වූ රජය ක්‍රියා කළේ විජා­ති­ක­යන් අපේ රට ආක්‍ර­ම­ණය කරපු අව­ස්ථා­ව­ලදී ක්‍රියා කළ ආකා­ර­ය­ට­මයි. ආක්‍ර­ම­ණික හමුදා රාජ්‍ය දේපළ, රාජ්‍ය භාණ්ඩා­ගා­රය කොල්ල කාපු ආකා­ර­යට ම ඒ රජ­යත් අපේ මහ බැංකුව කොල්ල කෑවා. ඒ වගේම බ්‍රිතා­න්‍ය­යන් 1818දී කැරැල්ල මර්ද­නය කළ වහාම ගම්සභා තහ­නම් කළ ආකා­ර­ය­ටම පසු­ගිය රජය පළාත් පාලන ආය­තන- නග­ර­සභා, ප්‍රාදේ­ශීය සභා විසු­රුවා දම­මින් ප්‍රාදේ­ශීය සභා මැති­ව­රණ නොප­ව­ත්ව­මින් ගම්ර­ට­වල නාය­ක­ත්වය මර්ද­නය කළා. විජා­තික ආක්‍ර­ම­ණි­ක­යන් නිර­න්ත­ර­යෙන් මේ රටේ භික්ෂුන් වහන්සේ‍ගේ නාය­ක­ත්වය වැළැ­ක්වී­මට උත්සාහ කළා සේම ඒ රජ­යත් භික්ෂුන් වහන්සේ සිර­ගත කර­මින්, භික්ෂු කති­කා­වත් පනත මඟින් භික්ෂුන් වහන්සේ ජාතික ප්‍රශ්න­ව­ලදී හඬ­නැ­ගීම වැළැ­ක්වී­මට උත්සාහ කළා. ඒ ‍වගේම වැට් බදු, බදු මත බදු පන­ව­මින් පසු­ගිය රජය ජන­තාව පීඩා­වට පත් කළේ විජා­ති­ක­යන් මේ රටේ ජනයා සූරා කෑ ආකා­ර­ය­ට­මයි. 19 වැනි සංශෝ­ධ­නය ඇතුළු ව්‍යවස්ථා සංශෝ­ධන මඟින් ඒ ආණ්ඩුව අපගේ රාජ්‍ය ව්‍යූහය ම බිඳ දැමී­මට උත්සාහ කළා.

මේ ක්‍රියා­ව­ලිය නිසා අව­සාන වශ­යෙන් රජ­යක රැක­ව­ර­ණය අහිමි ජන­තා­වක් බවට අපේ රටේ ජනයා පත් වුණා. පාස්කු ඉරිදා ප්‍රහා­රය සිද්ධ වෙන්නේ මේ තත්ත්වය මත. මේ විජා­තික න්‍යාය පත්‍රය පැර­ද­වී­මට, අපේ මවු­බිම විනා­ශ­යෙන් විනා­ශ­යට පත්කි­රී­මට එරෙ­හිව, අපේ රට රැක ගැනීම‍ට දුන් ජන­ව­ර­මක් ලෙස­යි‍ ­නො­වැ­ම්බර් 16 අති­දැ­වැන්ත ජන­ව­රම මූලි­ක­වම විග්‍රහ කළ යුත්තේ. ඒ වගේම ආර්ථික වශ­යෙන්, සාමා­ජීය වශ­යෙන් ආර­ක්ෂාව පැත්තෙන්, සදා­චා­රා­ත්මක වශ­යෙන්, බිඳ­වැ­ටිලා ති‍යෙන රටක් නැවත ගොඩ­නැ­ඟී­මට ගෝඨා­භය රාජ­පක්ෂ- මහින්ද රාජ­පක්ෂ 'සෞභා­ග්‍යයේ දැක්ම' සඳහා ලබා දුන් ඡන්ද­යක් ලෙසත් නොවැ­ම්බර් 16 ජන­ව­රම විග්‍රහ කළ හැකියි. ඒ යෝජනා පිළි­බඳ ව ජන­තාව බලා­පො­රොත්තු තබා ඇති බව පෙනෙ­න්නට තිබෙ­නවා.

2015 ජන­වාරි 08 වැනිදා සිට ඒ විජා­තික කුම­න්ත්‍ර­ණ­යට එරෙ­හිව ක්‍රියා­ත්මක වුණේ මේ රටේ හුදී ජන­තාව. ඒ ගැන කම්පා­වට පත්වෙලා මේ රටේ ජන­තාව ඔවුන් ම සංවි­ධා­නය වෙලා මහින්ද රාජ­පක්ෂ මහ­තාව සොයා­ගෙන මැද­මු­ල­නට යෑම මඟින් මේ සටන ඇර­ඹුණේ. ඒ විජා­තික පාල­න­යට එරෙ­හිව තමුන්ගේ ඓති­හා­සික විඥා­නය අනුව ක්‍රියා­ත්මක වූ හුදී ජන­යාගේ කැරැ­ල්ලක් ලෙස අපට දකින්න පුළු­වන්. ඒ අනුව පසු­ගිය නොවැ­ම්බර් 16 ජය­ග්‍ර­හ­ණය ඒ ජන­තා­වගේ අපේක්ෂා ඉෂ්ට සිද්ධ­වී­මක් ලෙසත්, ඒ කැරැල්ලේ ජය­ග්‍ර­හ­ණ­යක් ලෙසත් දකි­න්නට පුළු­වන්. 1818 නිද­හස් අර­ග­ලයේ, අන­ගා­රික ධර්ම­පා­ල­තු­මන්ගේ, කුමා­ර­තුංග මුනි­දා­ස­යන්ගේ ජාතික ප්‍රබෝ­ධ­යන්ගේ, 1956 සුද්දන්ට එරෙ­හිව, කළු සුද්දන්ට එරෙ­හිව මේ රට ජනයා තුළ වූ අපේක්ෂා මේ ජය­ග්‍ර­හ­ණය පසු­පස තිබෙ­නවා.
නොවැ­ම්බර් 16 දින පරා­ජ­යට පත්වුණ දේශ­පා­ල­නික පක්ෂ අඩුම තර­මින් ජන­ව­ර­මට ගරු කරන දේශ­පා­ලන පක්ෂ නම්, ඒ අයට කර­න්නට තිබුණ ‍මූලිකම කට­යුත්ත වහාම මහා මැති­ව­ර­ණ­යක් පැවැ­ත්වී­මට ජනා­ධි­ප­ති­ව­ර­යාට අවශ්‍ය පාර්ලි­මේන්තු අනු­මැ­තිය දීමයි. ඒ අයට කරන්න තිබුණේ පාර්ලි­මේ­න්තුව විසු­රුවා හැරී­මට සහ­යෝ­ගය දීමයි. ප්‍රජා­ත­න්ත්‍ර­වාදී පක්ෂ නම් ඒ අයට කරන්න තිබුණු පළමු යුතු­කම එයයි. මෙහිදී ගෝඨා­භය ජනා­ධි­පතිතුමා ඉතා නිවැ­රදි ආකා­ර­යට කට­යුතු කරලා තියෙ­නවා. එතුමා ජන­ව­ර­මක් පැතුවේ වින­ය­ග­රුක, නීති­ග­රුක සමා­ජ­යක් වෙනු­වෙන්. ඒ නිසා වෙනස් කළ යුතුව ඇති ව්‍යවස්ථා වගන්ති පවා ගැටී­මක් කර ගන්නේ නැතිව ව්‍යව­ස්ථා­නු­කූ­ලව කට­යුතු කිරීම ඉතාම වැද­ගත්. එතුමා ප්‍රකාශ කළේ ව්‍යව­ස්ථා­වෙන් බලය ලැ‍බෙන පළමු අව­ස්ථාවේ ම පාර්ලි­මේ­න්තුව විසු­රුවා හරින බවත්; එතෙක් අන්ත­ර්කා­ලීන ආණ්ඩු­වක් පත් කිරී­මට කට­යුතු කරන බවත්. ඒ අනුව ඇමැ­ති­වරු සීමා කර­මින් එතුමා ඒ කට­යුත්ත සිදු කළා. අපි දන්නවා පසු­ගිය ආණ්ඩුව එෆ්සී­අ­යි­ඩීය වැනි නීති­වි­රෝධී ආය­තන පිහි­ටු­ව­මින් දේශ­පා­ලන දඩ­යම් කළා. දේශ­පා­ලන වශ­යෙන් විරු­ද්ධ­වා­දීන් සිර­ගත කළා. පාදඩ දේශ­පා­ල­න­යක් ඔවුන් ඇති කළා. අද වන විට රන්ජන් රාම­නා­ය­කගේ හඬ­පට හරහා මේ තත්ත්වය පැහැ­දිලි වෙනවා. මේ කඩා වැටීම නීතිය ක්‍රියා­ත්මක කරන, නීතිය පසි­ඳ­ලන ආය­ත­න­ව­ලට පම­ණක් සීමා කරන්න බැහැ. පාර්ලි­මේන්තු නියෝ­ජි­ත­යන්ගේ ක්‍රියාත් මෙහිදී අපි දැක්කා. 2015 සිට ම මේ රටේ ආය­තන බිඳ වැට්ටුවා කියන කාර­ණා­වයි අපි මේ දකින්නේ. ශිෂ්ට ආකා­ර­යෙන් මේ රට පවත්වා ගෙන යෑමට ඇති ආය­තන සියල්ල මේ අය විසින් බිඳ දමා ඇති ආකා­රය තමයි හඬ­ප­ට­ව­ලින් පැහැ­දිලි වෙන්නේ. නීතිය ක්‍රියා­ත්මක කරන පොලි­සිය, අධි­ක­ර­ණය පම­ණක් නොවෙයි නීති සම්පා­ද­නය කරන පාර්ලි­මේන්තු පවා ඔවුන් බිඳ දැම්මා. 58 ලක්ෂ­යක් මහින්ද රාජ­පක්ෂ හිටපු ජනා­ධි­ප­ති­තු­මාට ඡන්දය දී තිබි­ය­දීත් ඒකා­බද්ධ විප­ක්ෂ­යට විපක්ෂ නාය­ක­කම පවා අහිමි කළා. ආණ්ඩුව පිහි­ටු­වී­මට සහ­යෝ­ගය දුන් දෙමළ ජාතික සන්ධා­නයේ සම්බ­න්දන් මහ­තාට විප­ක්ෂ­නා­යක ධූරය ලබා දුන්නා. ඒ වගේම විප­ක්ෂයේ ප්‍රධාන සංවි­ධා­යක ධූරය ලබා දුන්නේ ඔවුන් වෙනු­වෙන් පෙනී සිටි ජනතා විමුක්ති පෙර­මුණේ අනුර කුමාර දිසා­නා­යක මහ­තාට. මේ ඉතාම පාදඩ දේශ­පා­ල­න­යක්. කථානා­යක, අග­මැති, විපක්ෂ නායක, විප­ක්ෂයේ ප්‍රධාන සංවි­ධා­යක, සියල්ල මෛත්‍රී­පාල සිරි­සේන මහතා ජනා­ධි­පති කිරී­මට දායක වූ පෙර­මු­ණෙන්! 58 ලක්‍ෂ­යක මතය නොතකා තමයි මේ අය කට­යුතු කළේ. පාර්ලි­මේ­න්තුව කියන්නේ නීති හදන ආය­ත­නය. ප්‍රජා­න්ත්‍ර­වා­ද­යක් නැති තැනක් ලෙසයි එදා එය පවා ක්‍රියා­ත්මක වූණේ.

මෙවැනි මර්ද­නීය දේශ­පා­ල­න­යක් ක්‍රියා­ත්ම­කව තිබූ පසු­බි­මක මොනම අත්අ­ඩං­ගු­වට ගැනී­මක් වුවත් නීත්‍යනු­කූල පද­න­මින් පම­ණක් කරන්න කියලා ගෝඨාභය රාජපක්ෂ ජනා­ධි­ප­ති­තුමා උප­දෙස් දුන්නා. මෙය දේශ­පා­ල­නික වශ­යෙන් පූර්වා­ද­ර්ශ­යක්. ව්‍යස්ථාව ඉක්මවා යන්නේ නැතුව කට­යුතු කිරීම සහ නීති­යට අනු­ග­තව කට­යුතු කිරීම සේම ලැබූ ජන­ව­රම සමඟ තිබුණ විශා­ලම අභි­යෝ­ග­යක් තමයි පසු­ගිය රජය අපේ රට සම්පූ­ර්ණ­යෙන්ම විජා­තික බල­වේ­ග­ව­ලට පාවා දී තිබීම. හිටපු විදේශ ඇමැති මංගල සම­ර­වීර මහතා ජිනීවා නුව­රදී දරු­ස්මාන් වාර්තාව සහ මානව හිමි­කම් මහ­කො­ම­සා­රිස්ගේ වාර්තා­වන් පිළි­ග­නි­මින් ලංකා­වට එරෙ­හිව ක්‍රියා කළා. ඒ වාර්තා­වන්ගේ තොර­තුරු නැතුව සාක්ෂි නැතුව නිරා­යුධ ජනයා හත­ළි­ස් ද­හ­ස­කට වඩා ඝාත­නය කළ බවට වූ අසත්‍ය චෝදනා පිළි­ග­නි­මින් අපේ රටේ ස්වෛ­රී­භා­වය අහෝසි කිරීමේ 30/1 යෝජ­නා­ව­ලි­යට එකඟ වෙමින් තමයි පැවැති රජය කට­යුතු කළේ. ජිනීවා මහා පාවා­දී­මෙන් අපේ රණ­වි­රු­වන්, අපේ අධි­ක­ර­ණය සහ අපේ රාජ්‍ය ආය­තන බේරා ගැනීමේ අභි­යෝ­ගය මේ රජය හමුවේ තිබෙ­නවා. ජිනීවා යෝජ­නාව අනුව ගෙන ආ ප්‍රති­ත්‍රස්ත පනත ප්‍රති­ක්ෂේප කිරී­මට නව රජය ගත් තීර­ණය ජිනිවා අභි­යෝ­ග­යට මුහුණ දීමට මේ රජය සූදා­නම් බව කියා­පා­නවා.

'සෞභා­ග්‍යයේ දැක්ම' තුළ වන වැද­ගත් යෝජනා ක්‍රියා­වට නැගීම ඇරැ­ඹී­මත් ඉතා වැද­ගත්. මෙහි ඇති දිළිඳු පවු­ල්වල තරුණ තරු­ණි­යන්ට රැකි­යා­වක් ලබා­දීමේ ව්‍යාපෘ­තිය ඉතා ප්‍රායෝ­ගික පිය­ව­රක්. මෙය දිළිඳු පවුල් ඔසවා තබන ගමන්ම ජන සමා­ජය ම පො‍හොසත් කරන යෝජ­නා­ව­ලි­යක්. ඒ වගේම සෑම තරු­ණ­යෙක් ම කුස­ල­තා­ව­න්ගෙන් පරි­පූර්ණ කිරී­මට තිබෙන යෝජ­නාත් ඉතා වැද­ගත්. ඒ වගේම ජන­මූල සභා මඟින් ගම්වල මූලික පහ­සු­කම් දියුණු කිරී­මට, ගමේ දේශ­පා­ලන බෙදීම් තුනී කිරී­මට කර ඇති යෝජ­නා­වන් ඉතා වැද­ගත්.

ගෝඨා­භය රාජ­පක්ෂ ජනා­ධි­ප­ති­තු­මාගේ සහ මහින්ද රාජ­පක්ෂ අග­මැ­ති­තු­මාගේ මේ රජය මුහුණ දෙන ඊළඟ ප්‍රධාන අභි­යෝ­ගය එළැ­ඹෙන මහ මැති­ව­ර­ණය විශිෂ්ට ලෙස ජය­ග්‍ර­හ­ණය කිරී­මයි. ඒ ජන­ව­රම සංඛා­ත්මක වශ­යෙන් විශිෂ්ට ජන­ව­ර­මක් වීම අත්‍ය­ව­ශ්‍ය­යයි. ඒ වගේම ඒ ජන­ව­රම ගුණා­ත්මක ජන­ව­ර­මක් ද විය යුතුයි. අපේ රට අද ඇද දමා ඇති තැනින් ඔසවා තැබී­මට නම් යළි ශක්ති සම්පන්න රාජ්‍ය­යක් ගොඩ­නැ­ඟී­මට නම්, නව ව්‍යව­ස්ථා­වක් නව මැති­ව­රණ ක්‍රම­යක් සම්මත කර ගැනීම අත්‍ය­ව­ශ්‍යයි. ඒ සඳහා දායක විය ­හැකි ගුණා­ත්මක පාර්ලි­මේ­න්තු­වක් තෝරා පත් කරගැනීම ඡන්ද දාය­ක­යාගේ යුතු­ක­මයි.

එලෙ­සම 'සෞභා­ග්‍යයේ දැක්ම' අර්ථ සම්පන්න කළ හැකි, ප්‍රායෝ­ගික කරගත හැකි මහ­ජන නියෝ­ජි­ත­යන් පිරි­සක් මෙවර පාර්ලි­මේ­න්තු­වට තෝරා පත් කරගත යුතුයි. 'සෞභා­ග්‍යය' යන්නෙන් අප දකින්නේ කුමක් ද? ඇති නැති පර­ත­රය වැඩි­ වන සංව­ර්ධ­න­යක් අපට අව­ශ්‍ය ද? නීරෝ­ගි­කම, සතුට, සන්තෘ­ප්තිය අපේ සංව­ර්ධන මාවතේ කොටස් බවට පත් කර ගන්නේ කෙසේ ද? ප්‍රජා­ත­න්ත්‍රීය ව්‍යුහ ශක්ති­මත් කර­මින් ම ශක්ති­මත් රාජ්‍ය­යක් ගොඩ­නඟා ගන්නේ කෙසේ ද? මේ එළැ­ඹෙන මහ මැති­ව­ර­ණ­යේදී ජනතා එක­ඟ­තාව ලබා ගත යුතු තේමා ය. ඒ තේමා අපේ සභ්‍යත්ව රාජ්‍ය වෙත යළි පිය­නැ­ඟිය හැකි ආකා­ර­යට, සෑම ශ්‍රී ලාංකි­ක­ය­කුගේ ම හද­වත ආම­න්ත්‍ර­ණය කළ හැකි ආකා­ර­යට විව­ර­ණය කර ගැනීම අද අප හමුවේ ඇති අභි­යෝ­ග­යයි.

-සුභද්‍රා දේශප්‍රිය [සිළුමිණ : 2020-01-26]

යුතුකම සංවාද කවය
www.yuthukama.com





Helabima. All rights Reserved.

Copyrights protected: All the content on this website is copyright protected and can be reproduced only by giving due courtesy to 'helabima'