Logo
2020 අගොස්තු මස 6 වැනි බ්‍රහස්පතින්දා

මාරවිල නිවාස 10ක් ලොක්ඩවුන්





මාරවිල ප්‍රදේශයේ කොරෝනා ආසාදිත කාන්තාවක් වාර්තා වීමත් සමග එම ප්‍රදේශයේ නිවාස 10 පුද්ගලයන් 40 පමණ පිරිසක් ස්වයං නිරෝධායනයට ලක් කර තිබේ.

අදාළ කාන්තාව කන්දකාඩු පුනරුත්ථාපන මධ්‍යස්ථානයේ උපදේශිකාවක ලෙස සේවය කළ කාන්තාවකි.

එම කාන්තාවගේ පවුලේ සාමාජිකයන් මෙන්ම ඇය ආශ්‍රය කළ පුද්ගලයන් මෙසේ ස්වයං නිරෝධායනයට යොමු කර ඇත.

කන්දකාඩු මධ්‍යස්ථානයේ රැඳවියන් හා කාර්ය මණ්ඩලය 56 දෙනෙකුට කොරෝනා ආසාදනය වීමත් සමඟ ශ්‍රී ලංකාවේ කොරෝනා දෙවැනි රැල්ලක අවදානමක් මතුව ඇතිදැයි සෞඛ්‍ය අංශ සැක පල කරයි.

කොරෝනා දෙවැනි රැුල්ලක් සම්බන්ධයෙන් ඔව් හෝ නෑ යයි කීමට මේ මොහොතේ හැකියාවක් නැති බව සෞඛ්‍ය සේවා අධ්‍යක්ෂ ජනරාල් වෛද්‍ය අනිල් ජාසිංහ මහතා සඳහන් කරයි.

කෙසේ වෙතත් වෛරසය ප්‍රජාව අතරට යා නොදී පාලනය කර කරන බවද ජාසිංහ මහතා පැවසීය.

මාරවිල ප්‍රදේශයේ කාන්තාව කන්දකාඩු මධ්‍යස්ථානයේ සිට තම නිවස බලා යාමට භාවිතා කළ පොදු ප්‍රවාහන සේවා බස්රථ තුනක ගමන් කළ පිරිස හඳුනා ගැනීම දැඩි අභියෝගයක් වී ඇති බවද වාර්තා වෙයි.






Helabima. All rights Reserved.

Copyrights protected: All the content on this website is copyright protected and can be reproduced only by giving due courtesy to 'helabima'