Logo
2020 අගොස්තු මස 4 වැනි අඟහරුවාදා

ජවිපෙ එකම මන්ත්‍රීත් පොහොට්ටු වේදිකාවේ





ජනාධිපතිතුමන්ගේ පැහැදිලි වැඩපිළිවෙල හමුවේ තවදුරටත් එතුමන්ට සහය නොදී සිටීම රටට ආදරය කරන කිසිවකුට හෝ සිදු කල නොහැක්කක් බව රාජාංගනය ප්‍රාදේශීය සභාවේ එකම ජනතා විමුක්ති පෙරමුණු මන්ත්‍රී KG නන්දසිරි මහතා ඊයේ සවස රාජාංගන මංසන්දියේ පැවති ශ්‍රී ලංකා පොදුජන පෙරමුණු ජනහමුවක දී පැවසීය.

අනුරාධපුර දිස්ත්‍රික්කයේ ජවිපෙ ප්‍රධානියකු වන නන්දසිරි මහතා වැඩි දුරටත් පැවසුවේ ඉදිරි මහා මැතිවරණයේදී තමා අනුරාධපුර දිස්ත්‍රික් ශ්‍රී ලංකා පොදුජන පෙරමුණු අපේක්ෂක මහාචාර්ය චන්න ජයසුමන මහතාගේ ජයග්‍රහණය වෙනුවෙන් කැප වන බවයි.

මහාචාර්ය ජයසුමන වැන්නකුට සහාය නොදේනම් ඒ කුහකකමක් බවත් පක්ෂ බේදයකින් තොරව මෙවැනි විද්වතුන් පාර්ලිමේන්තු යැවීමට අද රජරට ජනතාව බලා සිටින බවත් පැවසීය.

මෙහිදී සිදු වූ තවත් වැදගත් සිදුවීමක් වුයේ රාජාංගනය පෙරටුගාමී සමාජවාදී පක්ෂයේ සංවිධායක KA සෙනවිරත්න මහතා ද මහාචාර්ය චන්න ජයසුමනට සහය පල කරමින් ශ්‍රී ලංකා පොදුජන පෙරමුණට එක් වීමයි.






Helabima. All rights Reserved.

Copyrights protected: All the content on this website is copyright protected and can be reproduced only by giving due courtesy to 'helabima'