Logo
2020 ජූලි මස 6 වැනි සඳුදා

ගුවන්තොටුපළ විවෘත කිරීම අගෝස්තු 15න් පසු





ගුවන්තොටුපළ අගෝස්තු 15න් පසු යළි විවෘත කිරීමට කටයුතු කරන බව ශ්‍රී ලංකා පොදුජන පෙරමුණේ ගම්පහ දිස්ත්‍රික් කණ්ඩායම් නායක අමාත්‍ය ප්‍රසන්න රණතුංග මහතා පැවසයි.

මේ අතර බංග්ලාදේශයේ සිට පැමිණි ශ්‍රී ලාංකිකයින් 19 දෙනෙකුට කොවිඩ් නයින්ටීන් ආසාදිත බවට තහවුරු වීමත් සමග මෙරට සමස්ත ආසාදිතයින් සංඛ්‍යාව ඊයේ 2033 ක් දක්වා ඉහළ ගියේය.

ඒ අනුව මෙරට සමස්ත ආසාදිතයන් අතරින් විදේශයන්ගේ සිට පැමිණ නිරෝධායන මධ්‍යස්ථානවලින් හඳුනාගත් ආසාදිතයින් ගණන 773කි.

එහි ප්‍රතිශතය සියයට 38.02ක් වේ.

සමස්ත කොවිඩ් 19 ආසාදිතයින් අතරින් 947 දෙනෙකු නාවික හමුදා සාමාජිකයින් හා ඔවුන්ගේ ආශ්‍රිතයින් වන අතර එය සියයට 46.58 ක ප්‍රතිශතයකි.

දේශීයව හඳුනාගත් සෙසු ආසාදිතයින් 313 දෙනා ප්‍රතිශතයක් ලෙස සියයට 15.40කි.

මෙරටින් හඳුනාගත් සමස්ත කොවිඩ් ආසාදිතයින් 2033 දෙනා අතරින් 1639 දෙනෙකු පූර්ණ සුවය ලබා පිටව ගොස් තිබේ.

එය ප්‍රතිශතයක් ලෙස සියයට 79.35කි.

383 දෙනකු තවදුරටත් ප්‍රතිකාර ලබන අතර එහි ප්‍රතිශතය සියයට 20.09කි.






Helabima. All rights Reserved.

Copyrights protected: All the content on this website is copyright protected and can be reproduced only by giving due courtesy to 'helabima'