Logo
2021 ජනවාරි මස 22 වැනි සිකුරාදා

ලංගම බස් රථයක ගමන්කර කොවිඩ් වැළඳුනොත් වන්දි





ලංකා ගමනාගමන මණ්ඩලයට අයත් බස් රථවල ගමන්කර කොවිඩ් -19 වෛරසය ආසාදනය වුවහොත් එම මගීන් වෙනුවෙන් වන්දි මුදලක් ලබාදෙන බව ලංකා ගමනාගමන මණ්ඩලයේ සභාපති කිංස්ලි රණවක මහතා පැවසීය.

ඒ අනුව ලංගම බස් රථයක ගමන් කර යම් පුද්ගලයෙකු කොවිඩ් ආසාදිත වුවහොත් ඔහු වෙනුවෙන් රුපියල් 10,000 මුදලක් ද මිය ගියහොත් රුපියල් 50,000 මුදලක් ද ලබාදීමට තීරණය කළ බව ඔහු සඳහන් කළේය.

"අපගේ මගීන්ගේ ආරක්ෂාව සඳහ ලංකා ගමනාගමන මණ්ඩලය විසින් තීන්දුවක් ගත්තා ආරක්ෂක අරමුදලක් පිහිටුවන්න. කොවිඩ් වෙනුවෙන් මේ ආරක්ෂක අරමුදල පිහිටුවන්නේ. කිසියම් ආකාරයක ශ්‍රී ලංකා ගමනාගමන මණ්ඩලයේ බස් රථයක් තුළින් කිසියම් කෙනෙකුට කොවිඩ් -19 වෛරසය ආසාදනය වුණොත් එක් අයෙකුට රුපියල් 10,000ක දීමනාවකුත් කිසියම් ආකාරයකට එවැනි පුද්ගලයෙක් මරණයට පත් වුවහොත් රුපියල් 50,000ක දීමනාවකුත් ගෙවන්න තීරණය කළා. කොවිඩ් -19 වෛරසය ශ්‍රී ලංකා ගමනාගමන මණ්ඩලයේ බස් රථ තුළින් ව්‍යාප්ත නොවීමට අපි උපරීම කටයුතු කරනවා," යනුවෙන් ද ලංකා ගමනාගමන මණ්ඩලයේ සභාපති කිංස්ලි රණවක මහතා සඳහන් කළේය.






Helabima. All rights Reserved.

Copyrights protected: All the content on this website is copyright protected and can be reproduced only by giving due courtesy to 'helabima'