බැඳුම්කර වරද රවීට පැටවීමට උත්සාහ කල ජනාධිපති ගේ බොරු ප්‍රකාශය නිසා බැඳුම්කර වාර්තාව නිකුත් කිරීම ප්‍රමාද වෙන ලකුණු



රවී කරුණානායක අමාත්‍යවරයා සමඟ දැඩි වෛරයකින් පසුවන හිටපු එජාප පළාත්සභා මන්ත්‍රීවරයෙකු වන ජනාධිපති උපදේශකයෙකු විසින් අසත්‍ය කරුණු සහිත ජනාධිපති ප්‍රකාශයක් සකස්කිරීමත් රවි කරුණානායක විසින් එම වාර්තාව ඉල්ලා සිටීමත් නිසා ආණ්ඩුව දැඩි අර්බුදයකට ලක්වී ඇතැයි වාර්තා වෙයි.

රවී කරුණානායක යටතේ පුද්ගලික බැංකු හෝ මහ බැංකුව එම අවස්ථාවේ නොතිබුනු අතර මෙම වාර්තාවෙන් වරදකරුවන් වීමට ඉඩ ඇති රනිල්, කබීර් සහ මලික් යන ඇමතිවරු බේරා ගැනීමේ සහ රවී වරදකරු කිරීමේ අරමුණින් සකසන ලද මෙම වාර්තාව ජනාධිපතිවරයා විසින් කියවා ඇත. රවී කරුණානායක එජාපයේ මීලඟ නායකයා වේ යැයි මෙම උපදේශකවරයා දැඩි බියකින් පසුවන බවද වාර්තා වෙයි.

නමුත් රවී කරුණානායක මහතා විසින් මෙම වාර්තාව ඉල්ලා සිටීමත් සමඟ එම උපදේශකයා සහ ආණ්ඩුව කලබලයට පත්වී ඇති අතර එම වාර්තාවට සංශෝධන ඉදිරිපත් කිරීමට උත්සාහ කරන බව වාර්තා වෙයි.

ඊයේ මෙම වාර්තාව පාර්ලිමේන්තුවට ඉදිරිපත් නොකරන ලද්දේද මෙි නිසා බව තවදුරටත් වාර්තාවෙයි.

මේ අතර තොරතුරු දැනගැනීමේ පනත යටතේ ජනාධිපතිවරයා වෙත ලබාදී ඇති බැඳුම්කර වංචා විමර්ශන ජනාධිපති කොමිෂන් සභා වාර්තාව ලබාගැනීම සඳහා හිටපු අමාත්‍ය කොළඹ දිස්ත්‍රික් පාර්ලිමේන්තු මන්ත්‍රී රවී කරුණානායක මහතා 2018-01-8 වන අද දින දහවල් 12ට ජනාධිපති ලේකම් කාර්යාලය වෙත යෑමට නියමිතව ඇති බව ඔහුගේ මාධ්‍ය අංශය නිකුත් තල නිවේදනයත දැක්වෙයි.